Ni sa bula vinaka tale mai na noda oni curuma mai na katuba
ni website oqo ka vakatokai tiko na "VOSABULA".
Na Vosabula sai koya na nona vosa tiko vei keda na kai vuravura kecega na Kalou ena
i Volatabu. E vosa vei keda na Kalou meda kila na cava na vinaka kei na ca. Na Vosabula ni Kalou e dusia vei keda na sala
kina bula kei na vakacegu kara vakasaqara tiko na kai vuravura ena gauna saraga oqo.
Ni kua, e milion vaka milioni na tamata e vuravura era vakasaqara
na domo ena kauta mai na bula kei na vakacegu. Ia sa dua ga na domo sa tu vua na bula, sai koya oqo na Kalou. E vosa tiko
vei keda mai na i Volatabu.
Na Vosa ni Kalou e cilava na noda bula butobuto na tamata,ka
vaka raramataka. E dusia na gaunisala meda muria meda kunea kina na vakacegu e na vuravura eda bula tiko kina ni
kua.. Ia na kadina oya ni Volatabu e vaka matata taka na noda gaunisala na tamata vua na Kalou. Oqo na ka bibi duadua meda
vakasaqara tiko na kai vuravura ena gauna oqo o ya meda raica ka vaka dodonutaka na noda gaunisala vua na Kalou, baleta o
koya saraga vakataki koya na "BULA"!
Nai tukutuku levu duadua enai Volatabu sai koya na tukutuku
kei Jisu Karisito, ko koya a kaya, "Oi au na sala kei na vuni dina, (Joni 14:6) E tuku tuku ni veisereki ka tukuna talega medaru
kila ni kedaru sa voli oti tu ena dra talei i Jisu Karisito. E talanoa ni bula, vakacegu kei na bula tawamudu.
Eda vaka vinavinaka kina vakalevu vei Savenaca Serevi ena
nona solia na nona gauna ena nona vola tiko mai na lewe ni vola ni website oqo. Keitou nuitaka ni na vei vaka uqeti tiko vei
kemuni na veika e toqai ena website oqo. Me noda vata tiko na marau kei na loloma ni noda turaga ko Jisu Karisito. Amen