VUAVUA VINAKA NI BULA

ENA VUAVUAI VINAKA NA BULA NI TEIVAKI NA VOSA NI KALOU ENA QELE MALUMU NI YALODA.

LESONI - MACIU 13:6-9, 18-23

NAKI NI LESONI

Mo vukei e na nomu tubu cake vakayalo mo rawa ni kila kina ni veika kece sara eda kaburaka (Vakayalo/vakayago) eda na tamusuka na vuana. Se nai tovo ni bula ko vakaitovotaki iko kina ena talevi iko tale (Kalatia 6:7-8)
Mo tuberi ena veidusimaki mai na vosa ni Kalou, mo rawa ni digitaka nai tovo ni bula e dodonu mo vakaitovotaki iko kina. Me vakarokorokotaki kina na Kalou (Maciu 5:13-14)
Me uqeti na yalomu mo veisau mo vakasaqara na sala mo vukei kina me rawa kina ni buli tovo na vosa ni Kalou. e na nomu bula, mo tubu cake mo matua, ka vakarau tu ki na cakacaka vinaka kecega.
Mo bulataka sara e na veisiga nai tovo ni bula e vakarokoroko taki kina na Kalou, ka kauta mai na Kalougata ki na nomu bula.

NA VAKASAMA

Na i tei ko teivaka nikua ko na tamusuka na vuana ni mataka.
Na kena bulabula vinaka kei na kena vuavuai vinaka ni nomu were, ena vakatau mai na qele ko teiteivaki kina kei na tei ko teivaka. (Teivaka na nomui tei vinaka duadua)
Nai tei vinaka e na bula vinaka ga ena qele vinaka- e maumau ka vaka sabusabutaki ni teivaki ena qele ca.
Ni teivaki na vosa ni Kalou ena qele malumu ni yaloda ena

veisau na bula
veisobuti na veivakalougatataki ni Kalou
rogo na domo ni Yalo Tabu ena noda bula.
eda na sere ena gauna ni tatamusuki
eda na kauta mai na noda veivau sila ena marau
ena veituberi na Kalou ena bati ni uciwai sa drodro malua.

O ira era sa tagi lako ni ra sa kabukaburaki voli, era na sere ga ni ra sa tatamusuki (Lord make me an instrument!)

O koya sa lako yani ka tagi voli, ni sa kauta na sore ni sila, e lesu tale mai ena marau, ni sa kauta mai na nona veivau sila (Same 126:5-6)

TUTU NI SILA (4,9)

Ko ira era rogoca na vosa ni Kalou ka lecava tiko.

Era dau lotu vakawasoma
eso era sa solia oti na nodra bula, eso e sega.
ko ira sa solia oti na nodra bula era sega ni taucoko sara na nodra veiqaravi vua na Kalou. Era yalo kaukauwa, tasogo na nodra vakasama ka sega ni vakamareqeta na vosa ni Kalou.
Era sega ni kidava se raica rawa na veika sa vakayacora tiko na Kalou, soqosoqo Lotu ka vakakina e vuravura.
Ena gauna ni lotu- na nodra vakasama e tiko tani. Era vakarawarawataki ira vua na vuni ca.

E VA (4( NA VUNA ERA SOGOTA KINA NA YALODRA

1. E manoa tu na yalodra e na veika a yaco oti vei ira (vuvale, cakacaka vuli, soqosoqo lotu) ka ra beitaka na Kalou ni vakavuna kece.

2. Eramataboko vakayalo, ka ra nanuma ni bibi cake na veika tale eso ka sega ni vosa ni Kalou.

3. Era qai dau goleva ga na vosa ni Kalou e na vanua kei na gauna ni leqa.

4. Era vakacalai e nai vakavuvuli lasu. Era lakova na vakasoqo ni vata ka marautaka na veitokani kei ira na Lotu dina. E sega ni vakaibalebale vei ira na veisau ni bula. Era vinakata me ra marautaka na vua ni qaravi Kalou, ia mera muria ga na nodra sala kei na nanuma vakatamata. They want to enjoy the benefits but unwilling to pray the price.

Era gadreva talega na bula tawamudu - ena nodra sala ga- nanuma e dua ga na sala.

...Ia nira sa sega ni madua rawa, era sa soli ira kina cakacaka vakasisila mera cakava na ka kecega sa tawa savasava ni ra sa daugarova (Efeso 4:19)

Sa kalougata na tamata sa re tikoga: ia ko koya sa vakaukauwa taka na yalona ena yacovi koya na ca. (Vosa Vakaibalebale 28:14).

O koya sa dauvunauci ia sa vakadomoqataki koya, ena vakarusai, ka sega na ka me bula kina. (Vosa Vakaibalebale 29:1)

Ia ko iko me vaka na nomu yalo kaukauwa kei na lomamu sa sega ni veivutuni, ko sa binia tikoga vei iko na cudru kina siga ni cudruvi, e na vakaraitaki kina na lewa dodonu ni Kalou (Roma 2:5).

2. VANUA VEIVATU (5-6, 20-21)

Ko ira vakaoqo era veisau totolo sara. era rogoca na vosa ni Kalou- solia na nodra bula - tukuni yalo ena kena levu kei na kena kaukauwa kece sara. E totolo na nodrai veisau ka totolo talega na nodra yali.

era rogoca na vosa
era vakabauta
era rekitaka
dede vakalailai ga. (lekaleka ga nodra vakadeitaki ira).

NA CAVA E VAKAVUNA?

Maciu 13:21 - Ia sa sega ni vaka wakana na vosa ena lomana, sa tu dede vakalailai ga: ia ni sa tubu na rarawa, se na veivakacacani ena na vuku ni vosa, sa tarabe sara.

(Ni yaco mai na veivakatogatogani, veivakacacani, veivakalialiai, era malumalumu tale.)

Maciu 7:24-27 - Ia oqo, ko koya yadua sa rogoca na noqu vosa qo, ka cakava, kau na vakatautauvatataka kei na tamata vuku, sa tara na nona vale e na dela ni vatu: a sa tau mai na uca, ka coka mai na dobui, ka liwa na cagi, ka tabaka na vale ko ya, a sa sega ni bale: ni sa tauyavutaki e na vatu. Ia ko koya yadua sa rogoca na noqu vosa oqo, ka sega ni cakava, ena vakatautauvatataki kei na tamata lialia, sa tara na nona vale e na dela ni nuku: a sa tau mai na uca, ka coka mai na dobui, ka liwa na cagi, ka tabaka na vale ko ya, a sa bale kina: ia na ka levu na kena bale.

Luke 9: 62 -A sa kaya vua ko Jisu, E sega e dua na tamata sa taura nai siviyara ka qai rai kimuri me yaga ena matanitu ni Kalou.

Luke 17:32 - Ni vakatavuvulitaka nai vakatakilakila ni nona lesu.

* Dou nanuma na wati Loti ni a duri masima!O ya na ca ni rai tale kimuri. Bula vata kei na Turaga ko Jisu Karisito sa bula ga nida rai tiko ki liu.

Na cava a vakayacora na marama oqo me cavuta kina na Turaga? Ia na watina ni sa muria sa rai kimuri, a sa yaco me duru masima (Vakatekivu 19:26)

Meda kakua ni rai ki muri ena noda teivaka na vosa ni Kalou kina qele malumu ni yaloda.

Filipai 3:12-14
Iperiu 12:1-2
2 Pita 2:20-22
Vakatakila 2:4-5

VANUA VEIWA VAKAVOTONA (7,22)

Ko ira era ciqoma na vosa ni Kalou-ka vakadabeci ga yani ena dela ni veika sa tu rawatu.
Era sega ni vakatara na vosa ni Kalou me kauta tani na veika vakavuravura sa tu rawa tu- era mosoya vata ga.

E RUA (2) NA KA E VAKARAITAKA

Lomaocaoca e na veika vakavuravura
Matt 6:24 - 28
Filipai 4:6

NAI YAU E DAUVEIVAKAISINI

Tugana na nomui yau kina nomu taga-tugana na Kalou kina yalomu. Nanuma! Yalo na Kalou, ko ira era lotu vua...

SAME 24:1 Anei Jiova ko vuravura
Akeai 2:8 - Sa noqu na siliva, ka sa noqu na koula..

Nai yau - nida sega ni lewa vakavinaka, ena vakatulewa kina noda bula, ka rawa ni kauta tani vei keda na yalo ni vakararavi vua na Kalou.

NANUMA! JOPE 1:21

E vakaroti ira na Isireli na Kalou mera qarauna vakavinaka na nodrai lakolako kina vanua sa drodro kina na wai ni sucu kei na oni. E kila na Kalou ena gauna era sa na Laki tiko vinaka kina, sa levu mai na nodrai yau, era na vuki tani ka bese ni qaravi koya.

Era na vakacalai na nodra vakasama, ka ra kaya ni ra rawa ka e na nodra kaukauwa ga vakatamata. " Ko ni na laki curu e na veivale ko ni a sega ni Tara. ko nina kana mai na veiwere ko ni a sega ni tea, Ia niko ni sa laki tiko vinaka-mo ni kakua ga ni guilecavi Jiova na nomuni Kalou."

Nai yau e kaukauwa na kena i dre - Maciu 6:21 - Ni sa tiko talega na yalomudou ena yasana sa tiko kina na nomudou i yau.

VANUA VINAKA

Ko ira oqo era rogoca na vosa ni Kalou, vakanananu, talairawarawa ka vakayacora na veika e vosa kina vua. Era bulabula ka kaukauwa ena nodra veiqaravi vua na Kalou.

Na vosa ni Kalou sa vakatulewa kina nodra bula. E buli tovo ka kune na veisau e tu dei. E vinaka ka totoka na nodra bula vakayalo. Era ciqoma na veisau, sega ni rai ki muri, toso tikoga ki liu.

Era yalodina e na veika me baleta na nodra bula, rogoca na vosa, taura deivak, ka vakavuana tiko.

NA VOSA NI KALOU.

Vakaruru mai na cava
Vunivuni mai na ca
cina ni buto na sala
kabasi vei ira na dau soko
mataniwai tovure vei ira na karamaca
matau sivisivi vei ira na dau sivisivi
selewau vei ira na sotia
titoko vei ira na taubale
Vola dusidusi vei ira na vulagi
Madrai ni bula vei ira na viakana.

E dina na kenai talanoa (sega ni tukuni vakaviti) E vakaraitaki eli, ka dolavi parataisi vei keda. E vunautaki ni kua ka na dolavi ena siga ni lewa me na lewai kina na tamata yadua me vaka na nonai tovo ni bula ena vuravura oqo.

Dolava na yalomu, ciqoma na vosa, teivaka na kena dina ki na qele malumu ni yalomu - ko na kalougata, ka yalomatua e na nomu bula.

(JOSUA 1:8)

Ai vola ni vunau oqo me kakua ni yali ena gusumu, ia mo vakanananu kina ena siga kei na bogi, mo vakabauta kina mo cakava me vaka na ka kecega sa volai kina. Ko na qai kalougata ena nomui valavala, ia ko na qai tamata yaco. Ameni.