Eda vinakata li meda tubu cake? Ena vuqa na gauna na noda tubu sa ka mosimosi.
Sa dau yaco kina meda biuta na veivakarau vagonegonea eso. Na veika me vaka na dokadokai
koya, na nanumi koya vakai koya, na dau vakadrecike, kei na vuqa tale na veivakarau sa sega ni ganita me tiki ni noda bula.
Sa dau dredre na noda biuta na veika e gadrevi me biu ka sa dau dredre ka ni da vinakata tu ga me tiki voli ni noda bula.
Meda raica mada ena gauna oqo ena noda dikeva vakayalo matua ka tarogi iko vakataki iko, "Au
s atubu cake li tiko ena turaga."
Kevaka e sega, sa bibi meda gadreva na tubu cake vakayalo me rawa kina ni da yacova na vanua
e vinakata na Turaga meda dui yacova. Ka sa tiko na gagadre ni tubu cake vakayalo, meda dikeva mada na veika sa tukuna nai
volatabu.
IPERIU 6:1 - E rua na i yaloyalo ni tubu cake meda raica mada.
- Na nona bula edua na gone kei na nona tubu cake. -(a) Na bibi ni nona qaravi. (b) Na leqa e
basika ke sega na veiqaravi.
Na noda sucu vou - Eda sa vaka edua na gone sucu vou. Ke sega
ni da tubu cake sa dau gogo na vakarau ni noda bula. Sa sega kina ni vinaka meda vaka tuga na gone lailai. Ni sa kacivi keda
na Kalou, sa vinakata ko koya me da yacova na luvena ko Jisu Karisito.
2. Nai karua ni vakasama, nai tekivu ni nodrau tiko vakawati e dua na gone
yalewa kei na dua na cauravou.
Vakavavalagi ni dua na veiwatini erau vakamau vou, erau dau gole yani ki na dua na vanua galala
me rau tiko taurua ga kina ena nodrau vinakata merau vagalala tani. Oqo sa gauna ni nodrau raica ni sa i rau taurua ga erau
bula voli ena vanua oya. Sa dua na gauna me rau lai dikeva vakavoleka sara kina na kena tauyavutaki na nodrau vuvale vou.
Sa yaco mai na gauna me rau sa lesu tale kina ena vanua se koro erau tiko kina na veilomani se
veikilai erau vakila e na i tekivu ni nodrau bula vakawati, sa sega ni dua na ka me oti mai.
Oqo sa i tekivu ni nodrau veikilai e na i lakolako ni bula vakawati erau sa vakanamata kina.
Nai vola tabu sa tukuna vei keda ni o keda (Church) eda sa watina na Turaga. ena gauna eda sa mai wili kina me da nona na
Turaga, Sa dua na gauna ni veikilai e kamikamica.
Na noda lomana na Kalou kei na nona lomani keda sa kauti keda vakaveivolekati sara. (Revelation
19:9). Sa yag me tubu cake nai vakarau ni noda veikilai. Sa tiko talega na noda veikilai ena veisiga eda bula vata kina kei
na Turaga. Ena gauna ni nona lesu tale mai kina, sa namaka ko koya meda tubu cake ena kena i vakatagedegede e vinaka ko koya.
E sega ni vinakata ko koya meda vaka tikoga na gone lailai.
Na tubu e nanumi tiko eke e sega ni bibi kina na noda yabaki se tutu cava eda tu kina. E so vei
keda sa dede na yabaki ni nodra lotu, ia sa sega ni basika kina na tubu.
Ena gauna sa gadrevi kina meda vakataki Jisu, oqo sa i tekivu ni noda tubu cake ena Turaga.
TARO :- O cei e dodonu me tubu cake
ena Turaga?
- Kolosa 1:28 - Tubu tamata yadua
- Efeso 4:13 - Tubu na tamata kecega.
Baleta na cava e bibi kina na noda tubu cake?
- Efeso 1:4 - Tamata digitaki
- Roma 8:29 - Kila ka e liu
- 1 Pita 2:9 - Tamata taukena na Kalou, digitaki.
Eda sa mai raica oti na vakasama o cei kei na baleta na cava e vinakati kina kina noda bula na
tubu cake ena Turaga. Eda taroga a cava na noda i tavi ena tubu cake oqo. Ena vinakata meda dau via kila na kena balavu se
na kena bibi. Sa tu na vei vakarau ena kena vei mataqali me vukei keda ena noda vakasaqaqara.
Ia na noda vinakata me da kila se vaka tu e vei na kena titobu se na tubu cake ni noda bula vakayalo,
sai Jisu na noda i vakarau na tamata lotu. Meda raica na vei tovo e so e tiki ni nona bula na Turaga ka rawa meda vakarautaki
keda kina.
- Vakarorogo - Kua ni vosa vakalevu, vakarorogo mada, levu ni vosa levu ni lasu
- Vosota vakadede - bera ni sotava na vinaka eda na curuma rawa na dredre.
- Yalo qaqa ni tukuna na dina - dina kei na vinaka ena dua tu ga.
- Bula e vakaivakarau
- Yalo malumalumu
- Yalo vinaka - kua ni cata e dua na tamata.
- Vakacegu, kei na vuqa e vakamatatataki e na i Vola Tabu.
Ke vaka eda dau vinakata me da vakataka e dua, sa bibi me da dau solia na noda gauna vua. Me
da dau vulica na veika e tiki ni nona, meda vakatoto muria na vei valavala sa dau vakayacora.
Na Turaga ko Jisu, sai koya e dodonu meda rai vua ka ni sa i koya duadua ga na noda i vakarau
na tamata Lotu (Iperiu 12:2)
TARO -
- Dou veivosakitaki nai balebale ni vei tovo era koto oqori e cake se cava na kedrai balebale
- Vakarau taka na nomu bula ena vei vakatorocaketaki kei na vei vua ni Yalo Tabu me vaka e tukuni
ena (Kalitia 5:22-23).
- Na i kalawa cava e rawa ni dua e cakava ke sa gadreva dina me vukei.
